قصيدة اعجبتني

بسم الله الرحمن الرحيم

الليله اللي قمرها ساطع نوره ***يضف على الأرض نورن كنه الشاشي
في مجلسن للنشاما كثرة حضوره *** من بينهم ما توحي كلمه الواشي
وليا انشدوا شايبن قد اقفت اعصوره *** ليا هرج ما يجيب ادناه ما ناشي
قالوا اعلومك نباها حيث مشهوره *** عجل وعطنا علومن تبري الجاشي
ترى لك عنا غياب عده أشهوره *** ترى الجماعه على مارودك اعطاشي
سولف علوم ذهب ما هيب مثبوره *** ثم قال هذا علومي وردت كاشي
اما علوم المطر فالأرض ممطوره *** والله يتبع لها من واحد ناشي
والأرض عقب المطر بالخير مذكروه *** وذكر الحيا في الجزيره عده الماشي
هذا هواية ربيع القلب وسروره *** لا وحي السوالف من العقال يعتاشي
والقلب مدنا بعد ما هيض اشعوره *** لا شاف جلسة نشاما تنشده شاشي
هذا مناتي وكل يقنع بشوره *** ولاني من اللي ورى العربان معتاشي
بخير والحال والأحوال مستوره *** في مجلس لي على مركاي وفراشي
لو ما تعشى عشايه غير شابوره *** اخير من وجبتن عند العرب حاشي