--------------------------------------------------------------------------------
ليت الورق يقرأ وش اللي كتب فيه..
وليت القلم يدري وش اللي جرى به..
الغايب اللي يغري القلب طاريه..
ماقل قدره لويطول غيابه..
والشعرلويفقد حروفه واساميه..
مدري وش اللي بعدهاينبغي به..
احترت بين اعتب عليه واراضيه..
اخاف لايجرح رضاه بعتابه..
احيان اقول ابيه واحيان ماأبيه..
الا أبيه ولو يبي لي عذابه..
ياللي تجونه دامني ماقدر أجيه..
وصوا (ذهابه)لايشح (بأيابه)..
وقولوا له إني من كثر ماني أغليه..
أشرب سرابه وأرتوي من سرابه..
وعلى كثر مانسى اذاقلت ناسيه..
دار الزمان وجاب عشقه وجابه..
حنيت لايامه وضحكه لياليه..
قبله وبعده كل وقتي رتابه..
ان لمت قلبي عاقبتني محانيه..
وان قلت بأرضي عزنفسي رقى به..
البارحه كنت اكسرالروح وانهيه..
كان الورق ارض وعيوني سحابه..
زرعت
(ماأحبه ولاعادلي فيه)
وجنيت
(أحبه لو يطول غيابه).
ليت الورق يقرأ وش اللي كتب فيه..
وليت القلم يدري وش اللي جرى به..
الغايب اللي يغري القلب طاريه..
ماقل قدره لويطول غيابه..
والشعرلويفقد حروفه واساميه..
مدري وش اللي بعدهاينبغي به..
احترت بين اعتب عليه واراضيه..
اخاف لايجرح رضاه بعتابه..
احيان اقول ابيه واحيان ماأبيه..
الا أبيه ولو يبي لي عذابه..
ياللي تجونه دامني ماقدر أجيه..
وصوا (ذهابه)لايشح (بأيابه)..
وقولوا له إني من كثر ماني أغليه..
أشرب سرابه وأرتوي من سرابه..
وعلى كثر مانسى اذاقلت ناسيه..
دار الزمان وجاب عشقه وجابه..
حنيت لايامه وضحكه لياليه..
قبله وبعده كل وقتي رتابه..
ان لمت قلبي عاقبتني محانيه..
وان قلت بأرضي عزنفسي رقى به..
البارحه كنت اكسرالروح وانهيه..
كان الورق ارض وعيوني سحابه..
زرعت
(ماأحبه ولاعادلي فيه)
وجنيت
(أحبه لو يطول غيابه).
